Fullt starf

Hjúkrunarfræðingur - Dagdeild skurðlækninga

Landspítali
Landspítali
Reykjavík, Rvk og nágrenni, Ísland

Um fyrirtækið

col-wide   

Starfslýsing:

Laust er til umsóknar starf hjúkrunarfræðings á dagdeild skurðlækninga, sem einnig er tilbúinn til að taka helgarvaktir á deild 13EG, kviðarhols- og þvagfæraskurðdeild. Við sækjumst eftir hjúkrunarfræðingi með sterka faglega sýn og áhuga á þátttöku í faglegri framþróun í framsæknu starfsumhverfi. Í boði er fjölbreytt starfssvið og góðir möguleikar á sí- og endurmenntun. Á deildinni er góður starfsandi og metnaður til að ná árangri.

Á dagdeild skurðlækninga er tekið á móti sjúklingum sem fara í skurðaðgerð á kviðarholi, þvagfærum, hjarta- og brjóstholi og augum. Dagdeildin tekur líka við sjúklingum sem leitað hafa á bráðamóttöku í Fossvogi og þurfa frekari skoðun og mat. Einnig koma sjúklingar sem þurfa á styttri meðferð að halda og geta farið heim samdægurs, til dæmis eftir lyfjagjöf, verkjameðferð, ástungur og aftöppun á vökva í kviðarholi.
 
Helstu verkefni og ábyrgð
» Hjúkrun dagdeildarsjúklinga og sjúklinga legudeildar 13EG
» Skipuleggja og veita fræðslu til sjúklinga og aðstandenda
» Þátttaka í teymisvinnu
 
Hæfnikröfur
» Faglegur metnaður og ábyrgð í starfi
» Jákvætt viðmót og góðir samskiptahæfileikar
» Íslenskt hjúkrunarleyfi
 
Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert. Sótt er um starfið rafrænt á; www.landspitali.is, undir "laus störf". Öllum umsóknum verður svarað. Tekið er mið af jafnréttisstefnu LSH við ráðningar á spítalanum.

Um er að ræða dag- og kvöldvaktir ásamt helgarvöktum. Starfið er laust frá 1. október 2017 eða eftir nánara samkomulagi og er starfshlutfall samkomulag.

Umsókn fylgi náms- og starfsferilskrá ásamt afriti af prófskírteini og starfsleyfi.

Landspítali er lifandi og fjölbreyttur vinnustaður þar sem yfir 5000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.
 
Starfshlutfall er 70 - 100%
Umsóknarfrestur er til og með 25.09.2017
 
Nánari upplýsingar veitir
Elín María Sigurðardóttir - elinmsig@landspitali.is – 824 5914

LSH Dagdeild skurðlækninga H
Hringbraut
101 Reykjavík








Hjúkrunarfræðingur - Dagdeild skurðlækninga
Landspítali