Fullt starf

Hjúkrunarfræðingar: Ný og endurhönnuð bráðalyflækningadeild

Landspítalinn
Landspítalinn
Reykjavík, Rvk og nágrenni, Ísland

Um fyrirtækið

col-wide   

Starfslýsing:

Ný og endurhönnuð bráðalyflækningadeild tók til starfa á Landspítala 1. júní sl. Deildin vinnur samkvæmt erlendri fyrirmynd um Medical Assessment Unit og er henni ætlað að veita skjóta og vandaða þjónustu við þverfaglega greiningu og meðferð bráðra og langvinnra lyflæknisfræðilegra vandamála. Deildin hefur nú þegar skilað góðum árangri með stuttum legutíma og raunhæfum úrlausnum og er það að þakka öflugri teymisvinnu og breyttu verklagi á öllum sviðum.
 
Til að styrkja deildina viljum við ráða 4 öfluga hjúkrunarfræðinga sem hafa áhuga á að taka þátt í uppbyggingarstarfi af þessu tagi. Verkefni hjúkrunarfræðinga við deildina eru fjölbreytt og spennandi og er unnið í þverfaglegum teymum. Áherslan er á skilvirkni, flæði og að bæta gæði þjónustunnar.
Nýlega útskrifaðir hjúkrunarfræðingar hafa kost á að taka þátt í starfsþróunarári samhliða starfi, en í því felst um 16 daga verndaður tími til starfsþróunar fyrsta árið.
 
Helstu verkefni og ábyrgð
» Virkur þátttakandi í þróun og uppbyggingu deildarsinnar
» Ákveða, skipuleggja og veita hjúkrunarmeðferð
» Skrá hjúkrun í samræmi við reglur LSH
» Fylgjast með nýjungum í hjúkrun
» Þátttaka í þverfaglegri teymisvinnu
 
Hæfnikröfur
» Jákvætt viðhorf, frumkvæði og samskiptahæfileikar
» Faglegur metnaður
» Íslenskt hjúkrunarleyfi
 
Frekari upplýsingar um starfið
Laun samkvæmt gildandi kjarasamningi sem fjármálaráðherra og Félag íslenskra hjúkrunarfræðinga hafa gert.
Sótt er um starfið rafrænt á; www.landspitali.is, undir "laus störf". Öllum umsóknum verður svarað. Tekið er mið af jafnréttisstefnu LSH við ráðningar á spítalanum.

Störfin laus 15. júli 2017 eða eftir samkomulagi. Starfshlutfall og vinnufyrirkomulag er samkomulagsatriði. Mögulegt er að taka fastar næturvaktir.
Umsókn fylgi náms- og starfsferilskrá ásamt afriti af prófskírteinum og starfsleyfi.

Landspítali er lifandi og fjölbreyttur vinnustaður þar sem yfir 5000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.
 
Starfshlutfall er 40 - 100%
Umsóknarfrestur er til og með 03.07.2017
 
Nánari upplýsingar veitir
María Vigdís Sverrisdóttir - mariav@landspitali.is - 824 5991
Þórdís Ágústa Ingólfsdóttir - thoring@landspitali.is - 824 5480

LSH Bráðalyflækningadeild
Fossvogi
108 Reykjavík

Starf:

Heilbrigðisþjónusta: Hjúkrun








Hjúkrunarfræðingar: Ný og endurhönnuð bráðalyflækningadeild
Landspítalinn