Landspítalinn
Reykjavík, Rvk og nágrenni, Ísland

Um fyrirtækið

Lyfjatæknir

col-narrow-left   
col-narrow-right   
col-wide   

Starfslýsing:

Lyfjatæknir
Sjúkrahúsapótek Landspítala á fjármálasviði telur um 50 lyfjafræðinga og lyfjatækna sem starfa við fjölbreytt verkefni og í nánu samstarfi við aðra starfsmenn spítalans. Við viljum ráða lyfjatækni í fullt starf, í grunnstarfsemi apóteksins.  Starfið er laust frá 1. júlí 2017 eða eftir samkomulagi. Vinnutími er frá 8-16, virka daga auk vakta á rauðum dögum eftir að þjálfun lýkur.

Hlutverk Sjúkrahúsapóteks Landspítala er að þjónusta deildir spítalans og sjúklinga með öflun og dreifingu lyfja ásamt faglegri upplýsingagjöf. Starfsemi sjúkrahúsapóteksins skiptist í fjórar starfsstöðvar, grunnstarfsemi þar sem m.a. fer fram birgðastýring og lyfjaskömmtun, blöndun lyfja með smitgát fyrir dag og göngudeildir, afgreiðsluapótek og klínískt teymi lyfjafræðinga. Áhersla er lögð á að vera í fremstu röð og standast alþjóðlegan samanburð. Markvisst er stuðlað að öflugu mennta- og vísindastarfi. Stefnt er að því að hefja framhaldsnám í sjúkrahússlyfjatækni við Heilbrigðisskólann Ármúla í byrjun árs 2018.

Helstu verkefni og ábyrgð
» Innkaup, vörumóttaka og frágangur lyfja
» Birgðastýring lyfjalagera á deildum spítalans
» Afgreiðsla lyfja á deildir spítalans
» Önnur tilfallandi verkefni

Hæfnikröfur
» Skipulögð, sjálfstæð og nákvæm vinnubrögð
» Frumkvæði, metnaður og samviskusemi
» Góð samskiptahæfni og jákvætt viðmót
» Góð íslenskukunnátta bæði tal- og ritmál
» Góð tölvukunnátta
» Reynsla af lyfjatæknastörfum er kostur
» Íslenskt starfsleyfi lyfjatæknis

Frekari upplýsingar um starfið
Laun samkvæmt gildandi kjarasamningi fjármálaráðherra og viðkomandi stéttarfélags.
Sótt er um starfið rafrænt á; www.landspitali.is, undir "laus störf". Öllum umsóknum verður svarað. Tekið er mið af jafnréttisstefnu LSH við ráðningar á spítalanum.

Umsókn skal fylgja náms- og starfsferilskrá ásamt starfsleyfi.

Landspítali er lifandi og fjölbreyttur vinnustaður þar sem yfir 5000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall er 100%
Umsóknarfrestur er til og með 02.05.2017

Nánari upplýsingar veitir
Inga Jakobína Arnardóttir - ingaja@landspitali.is - 543 8246 og 825 5070

LSH Sjúkrahúsapótek
Hringbraut

Fyrirvari / Disclaimer
http://www.landspitali.is/disclaimer/